കൊച്ചി: ലോട്ടറി കേസില് സിബിഐ അന്വേഷണം ആവശ്യപ്പെട്ടുള്ള മുഖ്യമന്ത്രിയുടെ കത്തിന്റെ അടിസ്ഥാത്തില് കേന്ദ്ര സര്ക്കാര് നടപടി സ്വീകരിക്കാത്തത് ആശ്ചര്യമുണ്ടാക്കുന്നുവെന്ന് ഹൈക്കോടതി. കേസുമായി ബന്ധപ്പെട്ട് അന്വേഷണം ആവശ്യപ്പെട്ട് കോണ്ഗ്രസ് നേതാവ് അഡ്വ. വി.ഡി.സതീശന് എം.എല്.എ. സമര്പ്പിച്ച ഹര്ജിയില് കേന്ദ്രസംസ്ഥാന സര്ക്കാരുകള്ക്കും മേഘ ഡിസ്ട്രിബ്യൂട്ടേഴ്സിനും ഹൈക്കോടതി നോട്ടീസ് അയച്ചു. പന്ത് ഇപ്പോള് കേന്ദ്രസര്ക്കാരിന്റെ കോര്ട്ടിലാണെന്നും ഹൈക്കോടതി പരാമര്ശിച്ചു. ഹര്ജി ഫയലില് സ്വീകരിച്ച കോടതി കേന്ദ്രസര്ക്കാരിന് സത്യവാങ്മൂലം സമര്പ്പിക്കാന് കൂടുതല് സമയം അനുവദിച്ചു. ഇതു സംബന്ധിച്ച വിശദീകരണം ആരാഞ്ഞ് കേന്ദ്ര ആഭ്യന്തരമന്തി പി.ചിദംബരം അടക്കം 11 പേര്ക്കു കോടതി നോട്ടീസ് അയക്കും. ലോട്ടറി കേസില് സിബിഐ അന്വേഷണം തന്നെയാണു വേണ്ടതെന്ന് സംസ്ഥാന സര്ക്കാര് അഭിഭാഷകനും കോടതിയില് ബോധിപ്പിച്ചു. നാല് കേസുകളാണ് ഇത് സംബന്ധിച്ച് കോടതിയുടെ പരിഗണനയില് വന്നത്. കേരളാ ലോട്ടറി ഏജന്റ്സ് ആന്റ് സെല്ലേഴ്സ് അസോസിയേഷന് നല്കിയ ഹര്ജി പരിഗണിച്ചാണ് പി. ചിദംബരം ഉള്പ്പെടെയുള്ളവര്ക്ക് നോട്ടീസ് അയക്കുന്നത്.
No comments:
Post a Comment